ឃាត់ខ្លួនមនុស្ស២នាក់ ករណីបង្ហោះព័ត៌មានមិនពិតពីអ្នកឆ្លង វីរុសកូរ៉ូណា៤នាក់ នៅសណ្ឋាគារប៉ាស៊ីហ្វិក
29-January-2020 | ដោយ ពលមនសិការ
សៀមរាប៖ ដោយមានការបង្ហោះព័ត៌មានមិនពិតថាមានអ្នកឆ្លង វីរុសកូរ៉ូណា៤នាក់ នៅសណ្ឋាគារប៉ាស៊ីហ្វិក ខេត្តសៀមរាប សម្ថកិច្ចស្រាវជ្រាវរហូតបានដឹងមុខសញ្ញាពិតប្រាកដទើបកំណត់បានច្បាស់ហើយកបាននាំខ្លួនបុរសម្នាក់ ស្ត្រីម្នាក់ មកសាកសួរ ពាក់ព័ន្ធ នឹងការផ្សាយ ព័ត៌មាន មិនពិតទាក់ទងនឹងការឆ្លងជម្ងឺ ផ្លូវដង្ហើមវីរុស កូរ៉ូណា ខេត្តសៀមរាប នាថ្ងៃទី២៨ ខែមករា ឆ្នាំ២០២០។
លោកឧត្តមសេនីយ៍ ហួត សុធី ស្នងការរងទទួលផែនសន្តិសុខបានឲ្យដឹងនាព្រឹកថ្ងៃទី២៩នេះថា មនុស្ស២នាក់នេះបានបង្ហោះព័ត៌មាន តាមបណ្តាញសង្គម ហ្វេសប៊ុក ដោយអះអាងថា មានករណីឆ្លងវីរុស កូរ៉ូណាចំនួន៤ករណីនៅសណ្ឋាគារប៉ាស៊ីហ្វិកខេត្តសៀមរាប។
ការផ្សាយនេះត្រូវ បានសាលាខេត្តសៀមរាប ចេញសេចក្ដីបំភ្លឺ មួយដោយបានបញ្ជាក់ថា គ្មានករណីឆ្លងជម្ងឺផ្លូវដង្ហើម វីរុសកូរ៉ូណា កើតឡើងនៅ សណ្ឋាគារ ណាមួយក្នុងខេត្តសៀមរាប នោះទេ។
លោកឧត្តមសេនីយ៍ ហួត សុធី បានឲ្យដឹងថាមនុស្សពីរនាក់ត្រូវបាននាំខ្លួន មកបកស្រាយចំពោះមុខសមត្ថកិច្ច រឿងបង្ហោះព័ត៌មានមិនពិតថាមានអ្នកឆ្លង វីរុសកូរ៉ូណា៤នាក់ នៅសណ្ឋាគារ ប៉ាស៊ីហ្វិកខេត្តសៀមរាប ក្រោយពីការសួរនាំពីមន្ត្រីជំនាញ និងបកស្រាយរបស់ពួកគាត់រួចមក ពួកគាត់ទាំងពីរនាក់បាន ធ្វើកិច្ចសន្យា ដែលមានខ្លឹមផ្សារថា៖ខ្ញុំបាទ យល់ព្រមទទួលស្គាល់នូវកំហុស ដែលសមាជិកនៅក្នុងក្រុមហ៊ុនរបស់ខ្ញុំបាទ បានចែកចាយ នូវរូបភាពជនជាតិចិនទាំង០៤នាក់ដែលមាននៅក្នុងគ្រុបឡាញ(Line)របស់ខ្ញុំបាទយកទៅចែកចាយទៅក្នុងបណ្តាញសង្គមហ្វេសប៊ុក ដោយមានការជាប់ពាក់ព័ន្ធ និងមេរោគកូរ៉ូណា(Corona Virus)។ ខ្ញុំបាទនិងមិនបន្តផ្សព្វផ្សាយព័ត៌មានមិនពិត ដែលបណ្តាលឲ្យមានការចលាចលដល់ប្រជាជនក្នុងខេត្តសៀមរាបនិងប្រជាជនទូទាំងប្រទេសដែលបានរស់នៅក្នុងព្រះរាជាណាចក្រកម្ពុជា។ ខ្ញុំបាទសូមសន្យាថា និងគោរពតាមកិច្ចសន្យាខាងលើនេះប្រសិនបើខ្ញុំបាទប្រព្រឹត្តិខុសពីកិច្ចសន្យាខាងលើខ្ញុំបាទសុខចិត្តទទួលខុសត្រូវចំពោះមុខច្បាប់ជាធរមាន។ ក្រោយពីពួកគាត់បានទទួលស្គាល់កំហុស និងធ្វើកិច្ចសន្យា មិនបន្តផ្សព្វផ្សាយនូវព័ត៌មានមិនពិត រួចមកក៏ត្រូវបានសម្ថកិច្ច ឲ្យពួកគាត់ទាំពីរបានវិលត្រឡប់មកផ្ទះវិញនៅថ្ងៃដ៏ដែល។
យោងតាមផ្លូវច្បាប់ក្នុងមាត្រា៤២៥ នៃក្រុម ព្រហ្មទណ្ឌ បានចែងថា បទក្លែង ព័ត៌មានត្រូវផ្ដន្ទាទោសដាក់ពន្ធនាគារពី១ឆ្នាំ ទៅ២ឆ្នាំនិងពិន័យជាប្រាក់ពី ពីរលានរៀល ទៅ បួនលានរៀល៕
ចំនួនអ្នកទស្សនា
- ថ្ងៃនេះ5121
- ម្សិលមិញ15681
- សប្តាហ៍នេះ63961
- ខែនេះ85841
- ឆ្នាំនេះ85841
- សរុប20528297